ازيك ياصديقي.. انا أسمي هشام ياسر مطور الموقع البسيط الي انت بتتمشي فيه.. جاي اشرحلك فكرة الموقع ببساطة عشان متتلخبطش رغم ان الموقع بسيط يعني مش محتاج.. بس تعالي اقولك دلوقتي في الموقع هنا هتلاقي كذا قسم .. الأول الروايات.. ده هينزل في روايات وكتب

pdf

بروابط مباشرة من جوجل درايف يعني هتقدر تحملها او تقرأها في اي وقت مش هتعملك حوار يعني فاهم؟ وجوجل درايف مش معقد اي شخص بيقدر يتعامل معاه.. عندك قسمين تاني للبيع والشراء.. هنا هتشتري او تبيع كتبك القديمة سواء مستعملة او جديدة وانت مقرأتهاش. حضرتك هتملي الفورم بتاعت البيع وتستني مني رد طبعا هنزل شرح ازاي تعرض المنتجات. وطبعا هتعرضها هتبعت البيانات المطلوبة والرد هيوصلك في أسرع وقت ممكن طبعا عن طريق الأيميل او الواتساب ولما الكتاب حد يحجزه هيتواصل مع حضرتك مندوب يوصل ياخد من الكتاب ويدفعلك تمنه ويوصله للشاري طبعا مفيش رسوم اضافيه علي البيع يعني بس تمن التوصيل الي المندوب هياخده.... نيجي لقسم الأقتباسات وده هينزل عليه اقتباسات من كتب بأسم الكتاب وصاحبه عشان لو عجبك حاجه تدخل تقرأ الكتاب.. وعندك قسم المقالات.. لحد دلوقتي بينزل فيه مقالات تنقية مش محددة علي الكتب والروايات يعني مقالات زي الربح من الانترنت والبرمجة وكل ده وطبعا مع الوقت هينزل ملخصات لبعض الكتب في نفس القسم برضه.. وفي النهاية ياصديقي أتمنالك وقت سعيد تقضيه في الموقع هنا وأتمني نكون عند حسن ظنك.. شكرا ليك ياصديق ويوم سعيد