ازاي بيتم تسويق المنتج لينا بمجرد ما بنتكلم عنه حتي بالصدفة!

by Heshamyasser

roayatk owner

أزيك ياصديقي.. وحشتني جدا ولله بقالي كتير مكلمتكش... يالا معلش بقي مشاغل الدنيا .. المهم طمني عن اخبارك. انت كويس .؟ يارب دايما.. عندنا موضوع شيق جدا انهرده.. عارف لما بتبقي بتكلم صحبك كده علي ماسنجر او واتساب .؟ وتلاقي نفسك بتقوله بص يازميلي انا عايز اشتري كوتشي جديد .وتفضل تتكلم معاه عادي وبعدين تقفل معاه وتفتح فيسبوك وتعمل سكرول جدا في البوستات عادي ؟ تلاقي كمية بوستات رهيبة عن كوتشيات للبيع! حصلت معاك؟ انك تكون بتتكلم مع حد انك عايز تشتري حاجه وتقلب في فيسبوك او انستا او ايا كان وتلاقيه اعلانات كتير جدا للحاجه دي! طب مسألتش نفسك الحجات دي بتظهرلك بناءة علي ايه ؟ ليه انت تحديدا ؟ وليه في الوقت الي قررت فيه تشتريها؟ تعالي اقولك.. عارف ملفات تعريف الأرتباط الي بمجرد ما بتدخل اي موقع بيطلب منك انك توافق عليها؟ وطبعا في مواقع كتير جدا بتجبرك انك توافق علي ملفات تعريف الارتباط وألا مش هتكمل في الموقع او الماسدج الرخمه بتاعتهم دي هتفضل ظاهرة... طب تعرف ايه هي ملفات تعريف الارتباط؟ عايز اقولك ان كلمة موافق الي أنت بتدوس عليها دي .. حرفيا انت بتدوس علي ملاين ..؟ عارف ازاي؟ هقولك ازاي ؟ ملفات تعريف الارتباط دي بتبقي ايه؟ عبارة عن انك بتدي أمر للمتصفح انه يشارك بعض البيانات بتاعتك للموقع ده بيانات زي ايه مثلا.؟ يعني مثلا انت بتعمل سيرش عن ايه اكتر حاجه؟ ايه هي تفضيلاتك علي الانترنت يعني هل بتبحث عن ملابس كتير مثلا ؟ موبايلات ؟ وطبعا بيانات كتيرة من النوع ده من خلالها بيقدر صاحب الموقع يعرف ايه اكتر حاجه انت بتبحث عنها علي النت او ايه هي اهتمامتك ؟ طيب هتقولي هو بيستفاد ايه منها ؟ وليه بتقولي فوق انت بتدوس علي ملاين؟.. هقولك ركز معايا دقيقة كده. البيانات دي بتتخزن وبيكون من ضمنها عنوان بريدك الالكتروني او أي بي بتاع جهازك. بيروح صاحب الموقع ويشارك البيانات دي كلها لشركات الأعلانات الكبيرة زي جوجل او شركة ميتا المالك للمواقع المشهورة فيسبوك وانستجرام ..؟ طب بعد ما الشركات دي بتاخدها ايه بيتم... بيتم ان الشركات دي بتطابق البيانات الي خدتها ببيانات تانيه عندها وبتلاقي طبعا عنوان الأيبي بتاعك او البريد الالكتروني.. فا بتقوم تظهرلك أعلانات للحاجه الي انت بتعمل سيرش عنها كتير .. هتقولي مش فاهم هقولك تعالي أشرحلك عملي .. طبعا الي هقوله ده مثال والموقع الي أنت بتقرأ فيه دا مش بيطلب ملفات تعريف الارتباط اساسا بس انا هديك مثال بسيط بالصور دلوقتي انت مثلا.. عامل أعلان ممول علي فيسبوك .ودفعت الفلوس وحطيت في الأعلان ان الناس المستهدفة الناس المهتمة مثلا بالتيشرتات . لحد هنا كويس؟ تمام تعالي معايا للصورة بقي وهقولك اعلانك بيوصل ازاي.بص للصورة دي كده

فلنفترض انا مثلا دلوقتي بعمل سيرش كتير جدا عن تيشرتات للبيع.. علي جوجل وبعدها دخلت مموقع معين بيطلب ملفات تعريف الارتباط وهنفترض ان ده موقع رواياتك ده.. والموقع ده سحب ملفات تعريف الارتباط او البيانات الي هي البريد الألكتروني او الأيميل . وبيانات البحث وشوية داتا تانية منهم الأي بي مثلا ده كده رقم 1

رقم 2 و 3 الموقع هيفضل يحفظ في ملفات تعريف الارتباط علي جهاز معين مثلا لمدة شهر ..بعد الشهر ده هيروح مثلا يبيع ملفات تعريف الارتباط دي كلهاااا وهي عبارة عن ملف فيه اكتر من الف جهاز مثلا علي حسب زيارات موقعه .وهيروح يبيعها لشركة ميتا .. تمام؟

رقم 4 . شركة ميتا هتاخد الداتا دي كلها وتعملها مقارنة علي السيرفرات عندها وهتلاقي من ضمن البيانات .. بياناتي؟ صح كده؟ فا وسط المقارنة هتلاقي ان الأيميل الشخصي بتاعي او البريد الالكتروني والأي بي مربوطين بحساب فيسبوك وهو مثلا بأسم هشام ياسر.. السيرش بتاع هشام ياسر كله عن التيشرتات ؟ لحد هنا كويس؟

رقم 5 بعد ما البيانات كلها تتصفي هيطلع مثلا 5000 شخص مهتمين والبحث بتاعهم عن التيشرتات..هتقوم تدي أوردر للبوست بتاعك انت الي أنت عملتله أعلان من الاول خالص انه يظهر للناس الي مهتمه بالتيشرتات والي انا من ضمنهم فا كده الأعلان بتاعك ظهرلي من خلال ايه؟ من خلال البيانات الي انا وافقت من الاول خااالص انها تتشارك مع المواقع الألكترونية عادي .. وطبعا كل ما حد يحصل معاه موقف زي ده يجري يقولك شركة فيسبوك بتراقبنا :)) طبعا كل ده شئ عادي جدا وقانوني لأن بياناتك مش بتتسرق بالعكس انت الي بتديها للمواقع دي وطبعا الموضوع مش مضر في الأول وفي الاخر طالما في المواقع المشهروة بس يعني للأمان انت ممكن لما تدخل موقع غريب تستحمل الرسال الي هتظهر يمكن هي رخمة شوية بس استحملها احسن ما يكون في حد بيستغل الملفات دي في حاجه خطر .. وده الي هكتبه الشرح الجاي بأذن الله.. شكرا جدا أنك قريت لحد هنا وأتمني تكون أستفدت ياصديقي ويومك سعيد

"

طبعا مش هوصيك تنزل هتلاقي مقطع قرأن صغير جدا حوالي دقيقة اسمعه زدني حسنة وخد حسنة وأتمني لو كلامي بيساعدك او بتستفاد ادعيلي لعلك ألي الله أقرب♥ هسيبلك رابط قناة التليجرام هنزل عليها كل جديد . وهتلاقي رابط للموقع الجديد...أسمه أياتك موقع بسيط جدا كل الي فيه انك هتدخل هتلاقي زرار كل ما هتدوس عليه هيظهرلك أية من القرأن .. أقرأها وخد حسنة..

موقع أياتك

لينك بيدج الفيسبوك

لينك الواتساب

لينك التليجرام

roayatk-رواياتك

أسترخي ياصديقي..♥