اوعي تتهكر ياعم الحج
by اوعي الهكررررر ازيك ياصديقي اتمني تكون في افضل حال .. طبعا نص الناس الي هتقرأ هنا هتكون سمعت قبل كده عن مجال السايبر سكيورتي او زي ما معروف في العالم العربي الهكر ايه هو مجال السايبر سكيورتي او الهكر؟ بص ياصديقي مجال السايبر سكيورتي مش بس واقف علي الهاك فاهم يعني الهاك من الحجات الموجوده في المجال ده مجال السايبر سكيورتي طبعا كبييير جدا وملئ بالتراكات منهم السايبر اتاك او الهكر ومنهم السيستم سكيورتي وده الي بيحمي الاجهزة من الهكر :) طيب كلنا بنسمع عن عمليات اختراق بتحصل لناس كتيير جدا واغلبهم بيكونوا بنات طيب ايه الي بيحصل بالظبط والاختراق بيتم ازاي والبنات دي بتبقي مقصودة او الموضوع بيتم ازاي؟ تعالي هقولك في البداية كده الهاك مش بيجي من برنامج يعني انا مش هجيب برنامج احط رقم موبايلك فا اخترق جهازك لاا الموضوع محتاج سنين تعليم وممارسة في مجال السايبر سكيورتي طيب ايه انواع الاختراق السهلة الي مش بتحتاج سنين والي من خلالها البنات دي بتتهكر .. بص ياصديقي في البداية كده اول طريقه حاجه اسمها
phishing
ايه هو ده او تعريفه ايه ؟ هقولك في مواقع كتيرة بتعمل حاجه اسمها روابط وهمية بالعربي كده المواقع دي بتديك رابط شبه الفيسبوك بالظبط بص تيبيكل يعني مش هتعرف تفرق بينه وبين الفيسبوك الحقيقي الا لو انت خبير وفاهم طب ايه بيحصل بعد كده.. بيحصل بعد كده ان في شخص بيدخل يسجل في المواقع دي وياخد رابط من الروابط الوهمية دي ويعمل اكاونت فيك مثلا وينزل الروابط دي في جروبات كتير.والي بيحصل أ، للأسف بيقع فيها ضحايا كتير جدا وكل شخص بيسجل الاكاونت بتاعه بيكون وصل للشخص الي عمل الصفحه. بس طبعا الشخص الي بيعمل الصفحه دي كل معلوماته عن الهاك انه هيدخل يكتب في يوتيوب طريقه اختراق حساب فيسبوك وهيعمل الي موجود في الفديوات الي كلها حجات فيك وملهاش لازمه اساسا :( كده عرفنا النوع الاول من المخترق وده الي هنقول عليه الحافظ مش فاهم... بينفذ الي بيشوفه وخلاص.. طيب لو جينا اتكلمنا عن الشخص الفاهم شوية لو قولنا انه عنده نسبه بسيطة جدا من المعلومات عن مجال الهاك والبرمجة والسايبر سكيورتي وبيعرف يفرق بين ده كله ده في الغالب شخص بيتعامل مع برنامج للموبايل .. اسمه ايه.؟ اسمهtermux
ايه هو البرنامج ده وبيعمل ايه بص ياصديقي البرنامج ده برنامج بينفذ اوامر بالعربي كده بتديله اكواد برمجية كا اوامر وهو بينفذها طب الناس الي بنقول عليها فاهمة شوية في مجال السايبر اتاك دي هتخترق بالبرنامج ده ازاي؟ بنفس الطريقه بتاعت الناس الي فوق لينكات برضه.. بس دقيقة شوية.. هتقولي ازاي؟ هقولك بص ياصديقي في البداية الناس الأولي او الي هو حافظ مش فاهم الروابط الي بيقدمهالك من المواقع لو دخلت عليها وسجلت الاكاونت ايه هيحصل؟ هينقلك لصفحه اعلانات فا بالتالي انت هتعرف انك كتبت في صفحه فيك وهتبدأ تغير الباسورد وكل الكلام ده لكن الصفحات الي بتتعمل بتريمكس ايه الفرق بينها الفرق انك لو كتبت الاكاونت بتاعك هيفتح معاك فيسبوك عادي.. ومش هتحس بأي حاجه لان بمجرد ما تسجل هتروح علي صفحه الفيسبوك وهتكمل تصفح عادي ... طيب هتفرق بينها وبين الاصلية ازاي واتفادها ازاي هقولك للأسف انت لو مركزتش في أدق التفاصيل هتقع فيها هتقولي ليه ما الموقع بتاع فيسبوك معروف الي هوhttps://facebook.com
هقولك والموقع الي تريمكس هيديه للمخترق عشان يبعتهولك هيكون كده.https://facebook.com
لاحظت شئ؟ هتقولي في فاصلة في الرابط التاني وطبعا في ناس كتير مش هتاخد بالها بس هقولك ان الفاصلة دي لو انت بتقرأ بسرعه او حافظ شكل الرابط مش هتاخد بالك منها .. وفي الحقيقة هي مش فاصله هي تشكيل من اللغه العربية بس لأن مفيش حرف فا هي مش ظاهرة وهتتصنف من الرابط ومحدش هياخد باله.. الا لو دققت كويس في الرابط.. وطبعا النوع التاني ده مش مشهور بسرقه حسابات السوشيال ميديا بس للأسف معروفين بسرقه بيانات الفيزا!! المشكلة مش هنا.. المشكلة ان بيانات الفيزا هتتسرق والفيزة في جيبك او في الشنطة او المحفظة؟ منغير ما يلمسها او يمد ايده في جيبك ولا حتي يلمسك! هتقولي وده كلام ناس عاقلين؟ هقولك طب ركز معايا! عارف علامه الي شبه الواي فاي الموجوده علي الفيزة دي؟ هتقولي اه هقولك طب تعرف ايه دي ؟ تعالي اقولك دي اسمهاrfid
طب بتعمل ايه دي وايه لازمتها هقولك دي حاجه ليها علاقه بالتعرف علي البطاقة بالموجات او حاجه اسمها موجات الراديو من خلالها المكينات او اجهزة معينة زي الموبايل بتستشعر وجود ماستر كارد او فيزا لما بتحاول تشغلها بالسكانر بتاع الموبايل. هتقولي ايه الكلام ده مش فاهم؟ هقولك طب تعالي هفهمك عارف لما بتدخل تسجل في ابلكيشن معين؟ هتشتري حاجه مثلا وطالب منك انك تصور الفيزا؟ او هتدخل علي ابلكيشن البنك وطلب منك انك تصور الكارت بدل ما تكتب البيانات وتتعب نفسك؟ طيب الكاميرا بتاعت الموبايل وسيستم الأبلكيشن بيتعرف علي الكارت ازاي؟ من الصورة؟ لا! اومال بص ياصديقي لما بتعمل كده الكاميرا بتاعت الموبايل بتكون مركزة علي شريحة الفيزا مش علي حاجه تانية الشريحة الي فوق الي في اغلب الكروت بتكون مزودة بتقنيةrfid
التقنية دي مجرد ما الكاميرا بتستشعرها بتظهر بيانات الفيزا كامله او ممكن تكون ناقصه حجات بس بسيطة طيب ازاي الهاكرز دول بيخترقوا الفيزا وهي في جيبي ما كده كده الكاميرا مش هتجيبها ؟ بس هقولك خدت بالك وانا فوق بقولك دي تقنية بتشتغل بموجات الراديو؟ في جهاز اسمهrfid reader
الجهاز ده فكرته ايه؟ بص ياصديقي الجهاز ده فكرته انك لو قربته من اي فيزا فيها تقنية الrfid
هيلقط بيانات الفيزا بالموجات الي طالعه من الفيزة وبمجرد ما يعمل كده خلاص ممكن البيانات تطلع ناقصه وساعتها هو هيحاول يتعرف عليك وعلي اسمك وتاريخ ميلادك بأي حجه مش هيغلب يعني وممكن تطلع كامله في الحاله دي ازاي ممكن احمي نفسي من ان الجهاز ده يجيب بيانات الفيزا بتاعتي .! هقولك في حافظه كروت بتتباع علي امازن ومواقع تانية كتير ممكن اسيب ليك الرابط بتاعها الحافظة دي بتمنع موجات الراديو من الكارت يعني حرفيا لو انت حاطط الفيزا في الحافظة دي وحطيتها جمب الجهاز مش هيلقط منها حاجه... وعن تجربة الموضوع مش برشحلك حاجه عادية... كده خلصنا من الجزء ده؟! طيب تعالي نتكلم عن الجزء الاخطر المخترق المحترف ... وده شخص بيكون دارس سايبر سكيورتي وعنده علم بكل جوانب المجال وعنده حلول لكل حاجه.. وده مش بيستخدم برنامج! لا ده بيستخدم نظام تشغيل كامل ! اهتقولي يعني ايه نظام تشغيل هقولك عارف الويندوز بتاع الكمبيوتر واللاب توب ده اسمه نظام تشغيل ده الي من خلاله بتنفذ كل اوامرك علي الكمبيوتر وبتقدر تعمل كل حاجه في انظمة تشغيل غير ويندوز هقولك في كتييييييييير جدا بس اشهرهم؟ لينكس! انظمة تشغيل لينكس او توزيعات لينك من اشهر انظمة التشغيل المعروفة بالأختراق ومجالات السايبر سكيورتي ! واشهرهم!kali linux
نظام تشغيل مزود بكل برامج الهاك والادوات الي محتاجها المخترقه انه يخترقك بدون حتي ما تاخد بالك وده بس مش بينطبق انه يخترق حسابك علي فيسبوك لا.. ده ممكن يخترق الموبايل كامل وانت مش هتحس بأي حاجه ... هتقولي هيعمل كده ازاي.. هقولك من خلال الواي فاي .. بلوتوث ... شات واتساب او منصه تواصل ! هتقولي ازاي ده هقولك ان اسهل طريقه لأختراق الاجهزة عن طريق الواتساب شات هتقولي ازاي هقولك مسمعتش عن حاجه اسمها صور ملغمة؟ طيب تعالي اقولك الصور الملغمة ايه هي الصور الملغمة عبارة عن صورة عادية جدا المخترق بيجبها من جوجل وبيعمل حاجه فيها اسمها حقن بايلود الحقن ده ايه فايدته او بيعمل ايه الحقن ده عبارة عن انه بيثبت برنامج او فايرس ليه مهمة معينة جوة الصورة بحيث ان الصورة لما تدخل اي جهاز تفعل الفايرس فا يقوم بمهته الي في الغالب بتكون اختراق كامل للجهاز او حتي انها تنقل الصور علي حساب جيميل معين .. طب دي حلها ايه هقولك ببساطة حاول متحملش صور من حد مبتثقش فيه؟؟ او متحملش صور خالص ياصديقي الدنيا مضاقتش.. طيب هتقولي ازاي من البلوتوث هقولك دي مش محتاجه شرح لانه مجرد ما هيقترن معاك بالبلوتوث وهو بياخد اكسيس معينة علي جهازك من خلالها يقدر يتحكم في الجهاز.. طب الواي فاي.. هقولك ده الاشهر .. عارف العيال الي ي بتسرق الواي فاي دي ؟ اطفال عادي بيستعملوا شوية برامج يخترقوا بيها الواي فاي عشان خاطر يلعبوا او يحملوا افلام. طب تعرف ان دي اخطر حاجه ممكن انسان يتعرضلها ان الواي فاي بتاعه يتهكر؟؟؟ هتقولي ليه هقولك لان المخترق المحترف هنا مش هيخترق الواي فاي بتاعك ويستخدم النت ..لاا! ده هيعمل حاجه عظيمة اوي ايه هي ؟ في توول معينة في لينكس هتخليه يعمل اتاك علي الواي فاي بتاعك..هتكون عمليات هجوم متكررة وسريعه في وقت واحد بسببها الشبكه هتقف.. لما تكون الشبكه واقفه هنا بتختفي من عندك وبتتقفل في اللحظه دي بيستعمل تول تانية عشان يقدر يعمل شبكه واي فاي وهمية بنفس اسم شبكتك وبتكون منغير باسورد عشان انت لما تدوس عليها تفتح معاك علي طول وتفتكر ان الواي فاي كان بس مهنج.. من خلال الشبكة دي هو يقدر ياخد اكسيس كاملة علي جازك ومش بس يتحكم فيه لا ده يقدر ياخد كل ملفات الكوكيز والنسخ الاحتياطية من البرامج الشات والصور وكل ده يستعمله علي موبايله بعد كده عادي جدا... وطبعا الموضوع ده بيتكرر علي الواي فاي بتاع الكافيهات اكتر.. لحد هنا اظن كفاية جدا.. احب اقولك ياصديقي ان الأختراق او مجال الهاكر بقي مرعب وكل حاجه بقت مخيفه ومجرد فكرة انك وانت قاعد في امان الله ممكن حد يكون شايف الشاتات بتاعتك والصور ومكالماتك وكل ده فكرة مرعبة.. استناني في جزء تاني ياصديقي عن الاختراق ومجال السايبر سكيورتي والجزء الجاي .. هيكون فيه ازاي تحمي نفسك.. يومك سعيد واشوفك في مقال تاني علي خير.. وافتكر دايما أبتسم لأن الحياة مش دايما وابتسامتك في وش حد ممكن تكون سبب انه يعيش يومه مبسوط وسعيد.. اضحك.. ولعله خير..
في نهاية الشرح احب اشكرك ياصديقي انك قرأت واتمني تكون استفدت واتمني الدنيا تكون دلوقتي تمام وتكون متحمس للجزء التاني زيي بالظبط كده ولو الموضوع عجبك وعندك مواضيع عايزني اتكلم فيها هتلاقي فروم التواصل في صفحه المقالات برة ابعت الماسدج الي حابب تبعتها وانا هقرأها اكيد يومك سعيد
الحافظة الي اتكلمت عنها
لينك بيدج الفيسبوك
لينك الواتساب
أسترخي ياصديقي..♥
