ركز الكلام مهم

زيك ياصديقي.. انهردة جاي اكلمك عن موضوع غريب شوية.. بس الناس كلها بتتكلم عنه عموما خصوصا الشباب.. مجالات العمل الحر او الفريلانسنج كل ما هتقابل حد حابب يعرف حاجه عن مجالات العمل الحر هتلاقيه دايما بيسأل سؤال واحد.. ايه هو... ؟ ايه اكتر المجالات المطلوبة في سوق العمل الحر ؟ شوف بوست زي ده علي فيسبوك كده مثلا هتلاقي واحد داخل يقوله برمجه هتدخل علي بروفايله هتكتشف انه مبرمج! والجرافيك ديزاينر هيقوله مجال الجرافيك.! طب ايه المجال الصح وايه اكتر مجال شغال؟ بص ياصديقي في البداية كده مفيش حاجه اسمها اكتر مجال شغال او عليه طلب لان كده كده كل شخص هيقولك هيقولك من وجهه نظره هو يعني الي هو شايفه؟ طب هل الي هو شايفه ده مناسب ليك! مظنش ياصديقي عشان كده تعالي اشرحلك حاجه... في البداية كده مجالات الفريلانسنج كتير تعال اقولك عليهم ونتكلم عنهم واحد واحد كده وانت قرر 🙂 (برمجة – جرافيك – ماركتينج – مونتاج – مودريتور – تداول – الكتابة – الترجمة) نبدأ بالبرمجة البرمجة من المجالات المطلوبة جدا في العمل الحر وعليها طلب كتير من اول برمجة المواقع والتطبيقات لحد برمجة الروبوتات وبرامج الذكاء الاصطناعي... البرمجة متقسمة لكذا قسم وكل قسم ممكن متقسم لأقسام ايه هي البرمجة؟ بص ياصديقي بالمصري كده البرمجة هي الي بسببها انت حاليا شايف المقال ده وبتقرأه... وبتتصفح الفيسبوك بسببها وبتكلم صحابك بسببها .. بأختصار؟ البرمجة عبارة عن سوفت وير او اكواد بتتكتب عشان تنفذ مهمة معينة؟ زي ؟ هقولك شايف الموقع الي انت فيه؟ الموقع ده عشان يتعمل الملفات بتاعته عبارة عن اكواد كل كود مسؤل عن حاجه معينة يعني مثلا انت بتقرأ المقال ده بسبب كود. والصورة الي في اول الموقع برضه في مكانها بالتناسق ده بسبب كود يعني لولا الاكواد دي مكنش هيبقي الموقع ده موجود ولا الفيسبوك موجود ولا اي حاجه من المواقع او البرامج الي علي الموبايل.. الموبايل نفسه مكنش هيبقي موجود لولا البرمجه لان السوفت وير بتاعه متبرمج خد بقي هقولك ازاي البرمجه عليها طلب ... البرمجه فيها مجالات كتير زي ... برمجة المواقع زي فيسبوك انستجرام او الموقع ده حتي.. برمجة التطبيقات زي برضه فيسبوك وواتساب وكل البرامج الي في موبايلك.. برمجة تطبيقات سطح المكتب الي هي الديسك توب للكمبيوتر او الااب توب زي اوفيس او برامج الميديا بتاعت الفديوهات والاغاني.. وفي كتير جدا غير دول بس تعالي اشرحلك في شركات ومحلات بيبيعوا منتجات معينة مثلا هدوم.. المحل او الشركة دي هتسوق لشغلها وتسهل علي العملاء التواصل معاهم ازاي ! من خلال ابلكيشن للموبايل او موقع من خلال الموقع تقدر تعرض المنتجات وتبيعها وتتواصل مع العملا وكل ده .. مين بيقوم بالمهمة دي ..( المبرمج ) طبعا اغلب اصحاب الشركات والمحلات لما بيبدأ يبحث عن مبرمج بيسأل علي السوشيال وبعدين علي مواقع العمل الحر الخ الخ الخ .. طبعا هكمل كلام عن البرمجة لكن في مقال تاني لوحده... بس حابب اقولك ان مرتبات المبرمجين في الشركات الكبيرة بيبدأ من 4500ج ل 10000ج وده للمبرمج المبتدئ الي بيكون خبرة من سنة ل سنتين متفكرش اني بقولك قوم اشتغل مبرمج او حاجه انا بس بديك فكرة طيب ازاي ابقي مبرمج؟ هقولك ازاي تبقي مبرمج.🙂 بس هبدأ ببرمجة المواقع برمجة المواقع بتعتمد علي لغات برمجة معروفة جدا

HTML

css

js

دول اشهر 3 لغات برمجة للويب تعالي اشرحهم ليك طبعا كل لغه مسؤوله عن شئ في الموقع وعشان مطولش اكتر من كده هسيبلك لينكات لمقدمات عن كل لغه وكمان هسيبلك كورس لكل لغه من البشمهند أسامة الزيرو.. خلينا نقول عليه ببساطة من وجهه نظري احسن شخص تتعلم منه برمجة.. هسيبلك الروابط وتابع معانا علي الموقع عشان تشوف بقيت المقالات عن بقيت المجالات هناخدهم واحدة واحدة في مجموعه يومك سعيد ياصديقي واتمني تدعيلي لو أستفدت لأني فعلا محتاج ده.. وخليك فاكر دايما .. أضحك لأن ربنا كاتب ليك الخير

"

بعد ما خلصنا شرح احب اسيب ليك كل لينكات المواقع الي اتكلمت عنها عشان تقدر تقدم بدون مشاكل ولو وقفت قدامك اي مشكلة اتواصل معايا وبأذن الله هساعدك, اتمني ليك كل توفيق ياصديقي♥

كورس html

كورس css

كورس js

لينك بيدج الفيسبوك

لينك الواتساب

roayatk-رواياتك

أرح قلبك♥