كل الي هتحتاجه موبايلك وشوية مجهود
by أزيك ياصديقي :) دي أول مقالة هكتبها علي الموقع...طبعا لأن في ناس كتير بتدور علي الموضوع دع وبشوف أسأله كتيرة جدا تعالي هساعدك وعن تجربة شخصية متقلقش♥ الربح من الأنترنت ايه هو الربح من الأنترنت وازاي نجيب فلوس من النت وانا قاعد علي الموبايل او علي اللابتوب دي دايما المقدمات الي بنقرأها في المواقع او بنشوفها في الفديوهات علي يوتيوب مفيش حاجه جديدة ولا حاجه مفيدة حقيقي :( طيب انا هغير كل ده وبعدين انا مش شخص بقدم محتوي انا طالع اساعدك بشكل او بأخر انك تعمل حجات كتير وهتقرأ كتير في الموقع هنا عن ده... مجرد ما هتبحث عن كلمة الربح من الأنترنت علي جوجل المواضيع هتروح بيك لكل المجالات المتخصصه في الربح من الأنترنت زي؟؟ . برمجة . جرافيك . مونتاج .ماركتينج كل دي مجالات هتقرأ عنها وناس كتير هتقولك لو عايز تتعلم برمجة ادخل هنا لو عايز تتعلم جرافيك ادخل هنا وهيفضل يحطلك في مصادر تتعلم منها وحجات كتيرة جده! طب بعد ما تتعلم؟ ما انت مش هتعرف تشتغل لأن التنافس في سوق العمل بالنسبة للمجالات دي محتاج سنين تعليم وتطبيق مش هتيجي من يوم وليلة واغلب الناس اصلا الي بتشوف الفديوهات دي بتكون عايزة فلوس حالا الي هو يالا ادخل شوف فيديو ازاي تجيب مليون دولار في 3 ثواني بدون روت.. انا مش هطول عليك بس تعالي هحكيلك عن مجال انا شخصيه اشتغلت فيه وبدون اي خبرة الموضوع كله بيعتمد علي دماغك.. بص ياصديقي .. عمرك سمعت عن مجال اسمه دروب شوبينج!؟ طب ما تيجي احكيلك عنه ايه هو الدروب شوبينج بأختصار.. الدروب شوبينج ده عبارة عن ان في مواقع كبيرة زي علي أكسبريس الموقع ده بيبقي عليه منتجات كتير زيه زي امازون ومواقع كتير للبيع ميزة الموقع ده عن غيره؟ انه بيقدملك حاجه اسمها دروب شوبينج ايه هو الدروب شوبينج! الدروب شوبينج هو انك بتاخد من الموقع ده منتجات.. وبتعرضها انت.. وبتاخد فرق السعر بس انت مش بتشتري المنتج ولا تخزنه ولا اي حاجه طب ازاي او انا اشتغلت فيها ازاي؟ تعالي اشرحلك كده سريعا انا كنت مهوس شوية بتصميم المواقع حتي من قبل ما اتعلم برمجة كنت بدخل علي منصات بديني امكانية اني اعمل موقع ايا كان محتواه بدون ما ادفع فلوس وبدون ما اكتب كود برمجي واحد كنت بس بصمم شكل الموقع بصور وكل الي كنت بعمله اني بحط ده هنا وده هنا واصمم الموقع علي مزاجي :) الي حصل بالظبط ... دخلت علي موقع من المواقع دي لقيت منتجات كتيرة عليها طلب كتير جدا وناس كتير بتشتريها وتريند والمنتجات دي كانت اسعارها في المعقول وكويسة .. كل الي عملته دخلت صممت موقع من علي منصة ويكس صممته عبارة عن شوب اقدر ابيع عليه منتجات.. في الوقت ده انا مكنش معايا فلوس حتي اني اشتري تيشرت وارجع ابيعه :)))) لكن عملت الموقع وجهزته تماما ودخلت علي مواقع زي الكسيبة او علي أكسبريس وكذا موقع تاني وكنت باخد منتجات من هناك واعرضها عندي وازود علي سعرها حاجه بسيطة جدا مثلا 20 او 30 جنية وطبعا غير اني بزود فلوس موقع الكسيبه بيطلع ليك جزء من فلوس المنتج هتقولي ازاي هقولك ركز معايا اخدت من موقع الكسيبة صورة لمنتج عبارة عن شنطة . شنطة بناتي عادي جدا سعرها علي الموقع كان 275 ج طبعا الموقع لما ابيع المنتج كاتب انه هيديني 20ج علي كل عنصر هبيعه من المنتج ده فا أنا اخدته وعرضته ب 300ج علي الموقع عندي وبعد كام يوم جالي اول طلب للأوردر اخدت البيانات بتاعت العميل وحطيتها في الموقع وكتبت السعر الي انا بلغته للعميل وكل حاجه بقت تمام بعد ما الاوردر وصل للعميل وهما استلموا الفلوس بعتولي ال 20 ج المكسب بتاعت المنتج بتاعتي وعليها ال 25ج الي انا زودتهم علي الاوردر وده كان من اول اوردر وبالنسبالي الموضوع كان واو :)))) طبعا بعد شغل كتير في المجال ده والحمد لله عملت منه مبالغ كويسة واتجهت لأني اتعلم البرمجة وبدأت في تصميم المواقع وشغلي الحالي,, ودي كانت بدايتي وبداية اكتر من شخص في المجالات المجال ده تحديدا مش محتاج خبرة قد ما محتاج صبر لحد ما تقدر تبيع اول منتج ومجرد ما هتبيعه.. هتبدأ مرحلة انك عايز اكتر وتبدأ تشتغل اكتر وتجيب فلوس اكتر وتتعلم اكتر.. كل الي انت محتاجه... شوية صبر وسعي. وفي النهاية شكرا أنك قرأت كل ده او سمعته وأسف لو طولت عليك, كان معاك : اخوك هشام ياسر :) استناني في مقالات تانية عن "الربح من الأنترنت" وطبعا مش هوصيك لو احتجت اي مساعدة في أي مجال سواء كان برمجة جرافيك مونتاج الخ.. اي مجال في مجالات الفريلانس ابعتلي ومش هتأخر عليك ولو محتاج تعمل شغل وعايز مساعدة برضه ابعتلي وهقولك علي كذا حاجه اساعدك بيها وخليك فاكر الموقع هنا هدفه المساعدة ومش بيهدف للربح نهائي فا لو احتجت حاجه انا موجود ولو حبيت تقرأ مقالات اكتر زي دي ادخل هنا من وقت للتاني هتلاقيني: يومك سعيد ياصديقي♥
بعد ما خلصنا شرح احب اسيب ليك كل لينكات المواقع الي اتكلمت عنها عشان تقدر تقدم بدون مشاكل ولو وقفت قدامك اي مشكلة اتواصل معايا وبأذن الله هساعدك, اتمني ليك كل توفيق ياصديقي♥
موقع الكسيبة
موقع علي اسكبريس
موقع ويكس
لينك بيدج الفيسبوك
لينك الواتساب
هدئ قلبك♥
